شدّد محمد عبد الوهاب رفيقي، المعروف بـ”أبو حفص”، الباحث في الفقه الإسلامي، على أن الأضحية سنة غير واجبة حتى للقادر عليها، مستدلا في ذلك بعدد من الأدلة الموجودة في السنة والآثار، قبل أن يوجه خطابه للأشخاص الميسورين قائلا: “إيلا كنتي مسهل عليك الله وباغي تقوم بهذه السنة، فمبروك عليك حتا جمل راه ممكن تعيد بيه”.
وكتب أبو حفص تدوينة على حسابه بموقع التواصل الاجتماعي “فايسبوك”، قال فيها “أؤكد مرة أخرى: الأضحية سنة وليست بواجبة حتى لمن قدر عليها، ولو تكون غني وبفلوسك الأضحية ليست بفرض عليك، وهذا مذهب جماهير فقهاء المسلمين بما فيهم المالكية، ولو أنهم قالو أنها سنة مؤكدة لكن ليست بفرض، واستدلو على هدشي بعدد من الأدلة ممكن تشوفوها في الصور المرفقة”، (الصور أسفل المقال).
وأضاف أبو حفص “أما واليوم الناس تتعاني من تداعيات الوباء وعدم العمل خلال الأشهر السابقة، فغي متكلفش نفسك ولا تحاول تدير فوق طاقتك من أجل تطبيق واحد السنة، هادي نيت مناسبة باش يعرفو الناس أن الأضحية غير واجبة، وحتا لو عندك شي بركة أنا رأيي تصرفها ف أمور لي واقف عليها ولي هي أولوية على تطبيق واحد الشعيرة، وتنضن حتا المشكل الثقافي ديال جاري معيد وانا ممعيدش ولوليدات غيبقا فيهم الحال مغيبقاش بنفس الحدة معا هدشي لي واقع د الوباء…”.
وختم تدوينته بالقول “أما إيلا كنتي مسهل عليك الله وباغي تقوم بهذه السنة، فمبروك عليك حتا جمل راه ممكن تعيد بيه، ونيت تدور الحركة شويا لدوك الكسابة لي أهم مصدر رزق ليهوم هيا هاد المناسبة د العيد، و مرة أخرى الأضحية سنة غير واجبة حتى للقادر عليها وعيدكم مبروك مقدما”.