حلا شيحة تكشف حقيقة طلاقها من الداعية معز مسعود -صورة
خرجت الفنانة المعتزلة حلا شيحة عن صمتها وكشفت حقيقة طلاقها من زوجها الداعية معز مسعود، عقب الجدل الكبير الذي أثير عبر مواقع التواصل الإجتماعي.
واختارت حلا شيحة حسابها الرسمي على موقع تبادل الصور والفيديوهات أنستغرام، من أجل حسم الجدل ، إذ اطلت على متابعيها بالحجاب، في صورة أرفقتها بتوضيح جاء فيه !”لكل المتابعين والمحبين على صفحتي وفي الوطن العربي، حابة أقولكم مفيش أي خبر اتكتب عن معز وعني يخص الطلاق صحيح، وكلامي في البوست اللي فات كان كلام عام ولم أقصد به حد معين أبدا”.
وأضافت: “معز بعيد عن الكلام ده تمامًا، بالعكس، هو سبب كبير لحاجات جميلة في حياتي وحياة أولادي، ومشفتش كتير زي أخلاقه واحترامه، وعيب الكلام اللي بيتقال على صفحات السوشيال ميديا، كله مش صح أبدًا”.
وتابعت حلا شيحة في منشورها: “والله في مشاكل أكبر بكتير وحاجات أهم بكتير ممكن نتكلم فيها، وأنا على صفحتي بحب أشارك جمهوري ساعات بمعاني بحسها وبحسهم زيي وبحب أتواصل معاهم وأبقى موجودة معاهم مش أكتر من كدة”.
وبخصوص حجابها صرحت حلا: “بالنسبة لحجابي أنا قلت بحاول زيي زي بنات كتير وأكيد مش أحسن حاجة، بس أنا كدة دلوقتي والحمد لله، وأنا مش شيخة، أنا إنسانة عادية جدًا، ليا حسناتي وليا سيئاتي، والبشر كلهم كدة، فبلاش حد يزايد على حد وبدل ما تتريق أو نقول كلام مش مهم نكون متصالحين مع نفسنا ونبطل نحكم على بعض، إحنا بشر مش ملايكة، يالا أنا مسامحة الكل معلش بشر برده”.
يشار إلى أن منشورا سابقا لحلا شيحة جاء فيه “لحظات في حياتنا بتعدي مع ناس بنقابلهم مرة في العمر و لحظات مع اولادنا بنحس بيها بفرحة و حب و امل ولحظات مع نفسنا بنتأمل فيها حياتنا كل أيامنا لحظات …علشان كدة مفيش حاجة تستاهل الزعل و التفكير الزيادة و اجمل حاجة ان الواحد لما يتعب او يحس انه تايه او متلخبط لازم يبقي متأكد ان مشاعره بتقوله حاجات محتاج يعرفها او يفهمها او يفهم نفسه اكتر ونتعلم و مش عيب نقول غلطنا و مش عيب نصلح اخطاءنا بس اهم حاجة منكملش و نعاند نفسنا و نعاقب نفسنا و نحكم علي نفسنا بالفشل، الفشل اننا نسيب نفسنا جوا نفس المشاكل و نستسلم …”، قد تسبب في إثارة الجدل ودفع الكثيرين إلى التساؤل عما إذا كانت حلا تقصد زوجها معز مسعود، مرجحين فرضية طلاقهما.
Voir cette publication sur Instagram
تابعوا آخر الأخبار عبر واتساب
انضم إلينا واحصل على نشراتنا الإخبارية
