زوجة محمد ريفي تخرج عن صمتها وترد على اتهامات عائلته-فيديو

هند منيرالجمعة 11 فبراير 2022 - 20:37

113 دقيقة واحدة

خرجت زوجة الفنان محمد ريفي عن صمتها عقب اتهامات عائلة زوجها المتكررة، بكونها السبب الرئيسي في تدهور وضعه الصحي وتشتت العائلة.

وجاء رد سكينة، زوجة محمد الريفي، عبر تسجيل صوتي جرى تداوله عبر مواقع التواصل الاجتماعي، جاء فيه :” حسبي الله ونعم الوكيل في أي واحد كيقول شي كلمة فحقي ولا فحق راجلي وهو ماعرفش شنو كاين، أنا من النوع لي ماعمرني بغيت نبان إعلاميا ولا بغيت نهضر فمشاكل ولحد الساعة ماغاديش نعطي شي تفاصيل، حيث الله لي كيعرف أنا ماعمرني فضحت الأسرار لي بيني وبين راجلي ولا قلت شي كلام وتقال فيا بزاف”.

وأضافت :”بغيت نقول لناس لي قالو فيا لي هوما عائلتو لي قالو السحر، ايلا سحرتو أه ولكن بالأخلاق بالاحترام، بالحب لي بيني وبينو حيث ملي كيشوف 2 ناس كيبغيو بعضياتهم وكيضحيو مع بعضياتهم هذا هو السحر”.

وتابعت : “بالنسبة لتوكال، وكلتو الحب وكلتو الحنان موكلاه كل شي زوين، يعني الناس لي كيهضرو ماغاديش نسمح ليهم سوا كانو ناس عاديين لي ماكيعرفوناش، سوا كانو ناس لي من العائلة ديالهم كنقول حسبي الله ونعم الوكيل”.

ويشار أن مشاكل عائلة الريفي، قد طفت على السطح مع خروج شقيقه التوأم واتهام زوجة شقيقه بالتسبب في تدهور حالته الصحية، لتتوالى عقبها الاتهامات بين ريفي وعائلته، إذ سبق أن اتهم أشقاءه في منعه من رؤية والدته، لتخرج الأخيرة عبر تصريح إعلامي وتكذب قوله.