الرمضاني لرحيمي: بوس راس الوليد أو بعد من الحساد
خص الإعلامي، رضوان الرمضاني، لاعب فريق الرجاء الرياضي، سفيان رحيمي، برسالة على هامش استدعائه لقائمة المنتخب الوطني المغربي، الخاصة بمباراتي إفريقيا الوسطى، برسم الجولتين الثالثة والرابعة من التصفيات المؤهلة لكأس أمم إفريقيا 2021.
وهنأ الرمضاني في تدوينة على حسابه الخاص في “الفايسبوك” رحيمي على استدعائه للمنتخب، داعيا إياه إلى عدم الاكتراث للانتقادات والتركيز على مشواره، بعدما اجتاحت صورا له وهو يطالب حكم لقاء الرجاء والزمالك باعتماد تقنية “الفار” في إحدى الحالات.
وكتب الرمضاني: “خاي سفيان، ما كنعرفك ما كتعرفني، وما كنفهم والو فالكرة من غير لقجع والنمساوي ومتولي والسطر الأخير ومضران ملي كيجيب الشيوخ ينشّطو النهضة… واخا هاكاك والله حتى نعطي لراسي الحق ننصحك…”.
وتابع: ” عيّطو عليك للمنتخب، أول حاجة غدير سير بوس يدين وراس الوالد ديالك وطلب الرضا منو، وبقى ديما فرحان وفخور به حيث هو اللي ولدك ورباك وها انت شاد طريقك وشحال من فاشل ما يعرف ينفخ حتى الكرة باغي يبان قافز عليك… هاد التقشاب اللي كيحاولو شي وحدين يديروه راه غير حسد فالداخل ديالهم حيث انت من الناس اللي بداو من تحت الصفر… وحيث كتمشي تلعب الكرة ماشي كتمشي تبّوزا على بنادم… كمل طريقك، وزيد حنّت لي بنادم، وخدم بمنطق اللي عجبناه نفقصوه… خاي سفيان، راه عندنا واحد الفصيلة ديال البشر كتبغي غير اللي يتكلضم عليها، ويشوف فيها بنص عين، فصيلة حكارة، كتعبر بنادم بكمية الجيل اللي فشعرو ماشي بشنو كيعرف يدير… “.
وواصل الإعلامي نفسه: ” سفيان، نده الله يسخر وتهلّى فالوالد وبوس اليدين بالليل وبالنهار، ونشر تصاورك معاه، وضحك، وكمل طريقك… واللي ما عجبتيه غادي تفقصو… رول أمعلم راه ما عندهم باكاج…”.
تابعوا آخر الأخبار عبر واتساب
انضم إلينا واحصل على نشراتنا الإخبارية
