أقريو لـ”سيت أنفو”: ما خصش اللاعبين ديال المنتخب يتيقو بزاف فراسهم – فيديو
مواكبة للمواجهة التي تجمع المنتخب المغربي بنظيره الإيفواري، اليوم السبت، على أرضية ملعب فيليكس بالعاصمة أبيدجان، برسم الجولة السادسة والأخيرة للتصفيات المؤهلة لكأس العالم روسيا 2018، استقى “سيت أنفو” أراء مجموعة من المشاهير في علم السياسة والفن والرياضة.
وفي هذا السياق، أكدت الفنانة المغربية سامية أقريو أنها تتمنى الفوز للمنتخب المغربي، قائلة: “واخا خصنا غي التعادل حنا بغينا نربحو بنقط كبيرة وخص اللاعبين يلعبوا مزيان فالمباراة باش يجيبو نقط أكثر”، مضيفة ” الشباب عياو ينتاظرو الفرحة الكروية اللي ضاعت مع جيل بأكمله وخصهم يفرحوا دابا مساكن”
وقالت أقريو إنها ستتابع مباراة أسود الأطلس من أجل أبنائها، قائلة: “أنا أنتبع المباراة على قبل ولادي حيت كانو باغيين يمشيو لأبيدجان وأنا منقدرش نديهم”، قبل أن تقول: “الفرحة الكروية اللي كنشوف فوجه وليداتي كتخليني نفرح وفرحت أكثر ملي ولاو كيتبعو المنتخب المغربي بعدما كانوا كيتبعو الكرة الاسبانية حيت عرفوا أن المنتخب كيلعب مزيان”.
ووجهت بطلة مسرحية بنات “لالة منامة” رسالة للاعبي المنتخب الوطني قالت فيها: “اللاعبين عندهم مهمة ماشي ساهلة وهما هازين آمال المغاربة كاملين، وماشي ساهلة يكون على الكتف ديالهم آمال ملايين المغاربة اللي كينتظروا الفوز”، مضيفة: “وخا هكاك ما خصش اللاعبين تكون عندهم ثقة زائدة فالنفس”.
يشار إلى أن المواجهة التي ستجمع الأسود بساحل العاج ستجرى، اليوم السبت، ابتداء من الساعة الخامسة والنصف مساء، ويحتاج فيها المنتخب المغربي لنقطة وحيدة لضمان التأهل لكأس العالم 2018.
تابعوا آخر الأخبار عبر واتساب
انضم إلينا واحصل على نشراتنا الإخبارية
