حلا شيحة تهاجم تامر حسني بعد عرضه لمشاهد تبرأت منها سابقا -صورة
عبرت الفنانة المصرية حلا شيحة عن استيائها من الفنان تامر حسني بعد تجاهله لطلبها، وطرحه لفيديو كليب “بحبك”الخاص بفيلم “مش أنا”، الذي تضمن بعض المشاهد الرومانسية التي جمعتهما مع بعض ، رغم تبرئها من العمل من خلال بوست سابق.
وقد عمدت حلا عقبها على مهاجمة تامر حسني عبر حسابها الرسمي عىل موقع تبادل الصور والفيديوهات أنستغرام، ووجهت إليه رسالة عتاب طويلة جاء فيها :”انا اتفاجئت جدا ًبنزول كليب يجمع فيه مشاهد متفرقة من الفيلم و في ايام ذي الحجة ايام مباركة و خصوصاً بعد آخر بوست نزلته و وضحت فيه أنا إيه ..و اتفاجئت أكتر خصوصا ًبعد وعد تامر حسني ليا وتأكيده أنه حيحترم رغبتي و بعض الطلبات اللي طلبتها منه بكل احترام وود الصيف اللي فات و اكدلي انه حيحترم رغبتي ..”.
وأضافت :”احنا يمكن نجحنا بمقايس الدنيا بس صدقوني بمقايس ربنا احنا لم و لن ننجح، انا عارفة و متاكدة ان زملائي جواهم خير بس للأسف فتنة الشهرة و النجاح مش بتخلينا نشوف ونقيس الامور صح”.
وتابعت :”بتكلم من قلبي الكليب ده ميرضيش ربنا و انا عيطت لاني شفت نفسي في المشاهد دي .. دي كانت زلة نتيجة ظروف مريت بيها و كلنا بنغلط و لازم نغلط علشان احنا بشر بس المصيبة اننا بنغفل و بننسى ..انا مش حتكسف من حد انا تبت من المشاهد دي و هي لا تصح و انا غلطت و بصلح و اهم حاجة ان ربنا يرضى عني لان في الاخر ده اللي حينفعنا مش الشهرة و لا النجاح لا هو مش نجاح أصلا علشان النجاح الحقيقي حاجة تانية خالص احنا اغلبنا ناسينها الا القليلين منا .الفن لو بيخلينا نبعد عن منهج ربنا و منبقاش قدوة لولادنا يبقي باطل و ميبقاش فن”.
وأردفت قائلة :”احنا كلنا عندنا امتحان في الدنيا دي و حابة افكرك بالفيديو ده يا تامر اللي قولت فيه انا مش بتمنى أموت وأنا مطرب انا دايما خايف من كده.. كلام أكيد قولته في لحظة صدق جواك و جوانا كلنا https://bit.ly/3rboKHQ شوفه تاني يمكن يفكرك ان جواك اكيد في صراع و انا و كلنا كلنا بنغلط بس المهم في الاخر نتدارك الغلط و نصلح .{إِلَّا مَن تَابَ وَءَامَنَ وَعَمِلَ عَمَلࣰا صَـٰلِحࣰا فَأُو۟لَـٰۤىِٕكَ یُبَدِّلُ ٱللَّهُ سَیِّـَٔاتِهِمۡ حَسَنَـٰتࣲۗ وَكَانَ ٱللَّهُ غَفُورࣰا رَّحِیمࣰا}.. الله على كلام الله وجماله يا سلام لو أصواتنا ومواهبنا كلها نستعملها في الخير عشان يبقى فن بجد”.
ويشار إلى أن حلا شيحة قد قررت ارتداء الحجاب بعد ارتباطها بالداعية معز مسعود ، خلال الأشهر الماضية، كما أعلنت تبرأها من فيلم “مش أنا” مبرزة أن العمل قد جرى تصويره قبل سنة ونصف غير ان جائحة كورونا قد أخرت عرضه بالقاعات السينمائية، مشددة على أنها قد تغيرت وبان العمل لا يشبهها قائلة :” بحمد ربنا اني أخيرا لقيت التوازن بين إني اكون سعيدة في حياتي وفي نفس الوقت أكون صادقة مع نفسي واللي مؤمنة بيه من جوايا ، أما بالنسبة لفيلم (مش أنا) الحقيقة انه تم تصويره من اكتر من سنة ونص وبسبب ظروف كورونا أتأخر جدا نزوله وانا كمان حالي اتغير واتجوزت الحمد لله والفيلم فعلا بقى (مش أنا”.
Voir cette publication sur Instagram
