العلمي لوزيرة مصرية: إلا بلوكيتي سيارات المغرب ما يدخلوش المواد دياولك
دشّن مولاي حفيظ العلمي، وزير التجارة والصناعة والإقتصاد الرقمي، أسلوب جديد في ما يخص اتفاقيات التبادل الحر بين المغرب وعدد من دول العالم تقوم على مبدأ المعاملة بالمثل.
وحكى مولاي حفيظ العلمي، أمس، في لجنة برلمانية بمجلس النواب، خلاصة حديثه مع نيفين جامع، وزيرة التجارة والصناعة المصرية بقوله: البارحة كان عندي اجتماع مع وزيرة ديال مصر، بقا فيها الحال، علاش بلوكيت كولشي، ورددت عليها أنا لي بلوكيت كولشي”.
وأضاف المتحدث ذاته، “مع تركيا انتهى الموضوع، دابا حليت الملف مع مصر، نخسر ستة مليار، صبرت حتى عيت، تنصيفطو ليهم سيارة المغرب، قالك إلا مصنعة في صوماكا دوز ولكن إلا كانت رونو ما دوزش، سبحان الله”.
وتابع: ” سأكون معك واضحا، انا لي خالق ليك المشكل، وغا نخلق ليك مشاكل كثر من هادشي لي شتي، وداكشي لي درتو لينا نديرو ليكم، لماذا المواد المغربية لما تصل إلى مصر تبقى ثلاثة أشهر لكي تدخل، وأنت بغيتي ندخل داكشي ديالك في نهار، زعما أنا لا أفهم”.
وأوضح للوزيرة المصرية بأنه “إلا بلوكيتي ثلاثة أشهر غا ندير نفس الفعل، إلا بلوكيتي سيارات المغرب ما يدخلوش المواد دياولك، قاتلي دابا فهمنا، ونديرو لجنة ونحلو المشاكل، في الأول لم يكونوا يعترفون بنا نهائيا”.
وشدّد بأنه “حنا خوت بصح، ولكن ماشي تستفد مني ونتفرج فيك أنا، ولي خرج الطريق تنديرو خدمتنا، وما تنضسرو على حد، داكشي لي تديرو لينا غا نديروه ليهوم”.
تابعوا آخر الأخبار عبر واتساب
انضم إلينا واحصل على نشراتنا الإخبارية
