المقرئ خالد رياض لمنتقدي لباس زوجته: “لي معجبنهاش يقلب ستة تسعود”
تعرض المقرئ المغربي خالد رياض، عبر حسابه على أنستغرام، لموجة انتقاد، بسبب لباس زوجته خلال رحلتهما ‘لى ميلانو، حيث اختارت ارتداء فساتين طويلة عصرية، واستغنت عن لباس الخمار، الأمر الذي اضطره للرد من خلال منشور مطول.
وكتب رياض، تعليقا على صورة جديدة، نشرها من رحلته، وقال فيه ” توضيح حول مهزلة الصورة الأخيرة: هاد التوضيح ماشي خوفا ولا شي حاجة، أقسم بالله الكلام ديال لي كيعايرو كنت كنشرب عصير بارد ديك الساعة وكانستمتع يعني ما كنتسوقش بتاتا غير بغيت للجميع وصافي”.
وأضاف في ذات المنشور ” أولا : لي خاص ناس يعرفوا هو أن مرتي ماكانتش كاتلبس النقاب كانت كادير حجاب عادي محتشم وماشي أنا لي فرضت عليها النقاب هي لي طلبات مني ديرو حيت كانت عندها فكرة أنها منين تتزوج تدير النقاب وتا أنا كنت نتمنى مرتي دير النقاب رغم أنني ما كنتش غانفرضو عليها لو ماكانتش باغاه، ثانيا: هي دايرة النقاب استحبابا ماشي بالوجوب (يعني الاستحباب هو أينما كان الحرج يمكن ليها مقيمين ولا عندنا الجنسية وعندهوم الى لبستي شي لباس د المحجبات أو المنقبات من واحد النوع غاتلقى عراقيل ومضايقات فجميع تحركاتك ويقدرو يتاهموك بشي حاجة فتجنبا لهاد المشاكل طلبت منها تحيدو وتلبس لباسها لي كانت تلبسو شحال هادي ولي هو بدورو لباس محتشم وهاد الشي كولو باستشارة مع علماء وشيوخ أجلاء حيت تا أنا راني عادي ماشي شيخ ولا عالم”.
وتابع قائلا ” ثالثا: اللباس لي في الصورة لي دارت هاد الضجة من بعض الناس الله يغفر ليهوم لي يا إما قلوبهوم مريضة أو جاهلين غا كايسمعوا ويجيو يفتيو ولا شي بنات لي هي كبرات فواحد الوسط كاتلبس واحد النوع من النقاب بغات تفرضو على كلشي ، بغيت نقول ليهوم أنه أنا قبل ما نخرج مع مرتي كانشوف بأن هاد اللباس واش ممكن تخرج بيه عاد كانسمح ليها بيه لحقاش أنا حساس من هاد الناحية ، وديك اللبسة لي لابسة هي عباية طويلة ومستووورة جدا ولو كانت غير ذلك كنت غانكون أول من يرفض انها تلبسها ربما حيتاش عصرية ماعجباتش واحد النوع د ناس لي المفروض ينتاقدو بأدب وحتى لا كان الغلط ينصحو حيت الغاية هي يتحيد الخطأ ماشي المعيور والسبان والقذف، رابعا: أنا كانشر بحال هاد الصور باش الشباب يتشجع يتزوج ومايخلعوش الزواج (هذا موضوع اخور غادي نتطرق ليه ونحكي قصتي مع الزواج)”.
وختم التوضيح “خامسا: هو الإنسان يحاول يتشغل بالعيوب ديالو ويخلي عليه الناس ، تا حد ما بزز عليك تدخل لصفحتي الى ماعجباتكش قلب ستة تسعود وهني راسك وهنيونا معاكوم، ادسا:هو واخا تا حد ما سوقو فيا وفحياتي الشخصية درت هاد البيان للناس لي قلبها زوين وفيها الخير وممكن تراجع نفسها، سابعا:شي وحدين غادي يقولو ها هي لابسة كسوة فيها مربعات وموراها وحدة عارية، ثامنا: لي فقلبو شي حاجة د الخير الله يقضيها ليه ويفرحو بيها، تاسعا : تهلاو”.
تابعوا آخر الأخبار عبر واتساب
انضم إلينا واحصل على نشراتنا الإخبارية
