هاشم البسطاوي يدخل على خط طلاق فاطمة الزهراء لحرش -صورة
دخل الفنان هاشم البسطاوي على خط طلاق الفنانة فاطمة الزهراء لحرش، الذي أثار ضجة كبرى، خلال الساعات الماضية، عبر مواقع التواصل الإجتماعي.
وأرجع البسطاوي الطلاق إلى نشر صورهما عبر الأنستغرام وإلإصابة بالعين، مدونا “را الأنستغرام لعنة والله تا لعنة، دير أنت تصاورك مع مرتك و شارك مع هاد صفحات العهر اللحظات الزوينة و كتحمس مني كتبدا تسمع الصفحات ديال العارات كيكتبو وينو عصافير الحب.. تاكاطلق .. الطلاق”.
وأضاف “باش تعرف را کادوم غير طريق الله ايبقا وتابعين بنادم بعصافير الحب واو شوفي علا شوفات كيدير فيها تاكا يفرتكو ليك الشمل”.
جدير بالذكر أن الفنانة فاطمة الزهراء لحرش كانت قد خرجت عن صمتها عقب الجدل الكبير، الذي أثاره تداول خبر طلاقها على نطاق واسع خلال الساعات القليلة الماضية، عبر مواقع التواصل الإجتماعي.
واختارت لحرش خاصية الستوري عبر حسابها الرسمي على موقع تبادل الصور والفيديوهات أنستغرام للرد على الموضوع، مبرزة أنها لا تسعى إلى البوز ولن تتطرق إلى حياتها الشخصية عبر مواقع التواصل الإجتماعي.
وجاء في تدوينة طويلة للفنانة الشابة “بالنسبة للناس لي كيقولوا انا باغة ندير البوز راكم غالطين او بزااااف حيت ما عمري جيت عاودت ليكم مشاكلي ما عمري جيت عاودت ليكم اسرار داري ولا شي نهار دويت فشي حد من عائلتي ولا فشي حد من صحابي حيت كون بغيت البوز غادة نجي عندكم هنا نشر القديد ديالي … انا بعييييدة كل البعد على هادشي داخلة سوق راسي ومركزة على راسي انسانة حقيقية كنبغي الخير الناس قد ما كنبغيه لراسي ديما كنشارك معاكم غير الحوايج الزوينين فحياتي ما عمري جيت بكيت عليكم ولا تنخصصت و شکیت من شي حاجة باش تقولوا كنقلب على البوز”.
وتابعت فاطمة الزهراء لحرض قائلة “مشاكلي كنحلهم بوحدي بعيد على السوشیل میدیا وماتنساوش كلشي الناس عندهم المشاکل، را حنا عایشین فالدنيا ربي كيمتحنا و كيمتحن قوة الصبر والتحمل عندنا، اما انا انسانة واعية و قوية و كنعرف مزيان اشنو کندیر و ما عمركم ما غادين تسمعوا مني كلمة ديال العيب لا فحقكم ولا فحق حتى شي واحد كيفما بغى يكون وعمري آذيت شي حد و ما عمري نقدر ناذي شي حد كيفما بغى يكون عرفتو علاش ؟؟ حيت ما كنعرفش ندير هادشي وهداكشي لي كيديروه الناس باش يديرو البوز حتى هو ما كنعرفش نديرو….. و الله يشهد على ما اقول”.
ثم عادت لحرش عبر ستوري أخرى جاء فيها “ونزيدكم انا مني كنكتب شي حاجة و لا كنحط شي ستوري ماكانكون كنمعني على حتى شي حد يعني بلاما تبقاوا تربطو الاحداث وتألفو سيناريوهات خصوصا الناس لي متابعيني سنين هادي عارفين بلي انا ديما كنعطي بعض النصائح من خلال تجربتي فالحياة و الكتب لي كنقرا ديال التنمية الذاتية و خلاص هاد العام بحكم الدارسة ديالي لي متبعة دابا ولي عندها علاقة بعلوم الطاقة وتطوير الذات وحتى الى كان عندي مشكل مع شي حد عندي نمرتو كنعيط ليه ما كنوضش نتعاطى معاه في مواقع التواصل الاجتماعي، وما كيهمنيش شي حد يوجه ليا الكلام و لا ينتاقضني و لا يقول فيا شي حاجة خايبة حتى فهادوك التعاليق السلبية را كنقراهم انا كنقوليكم خودو راحتكم قولو لي بغيتو والله ما كتأثر فيا شي حاجة انا انسانة مسالمة و متصالحة مع راسي لاقصى درجة و كنتحمل المسؤولية ديال حياتي كاملة بالخيب و الزوين لي فيها “.
