أبو حفص يقصف الداعية ياسين العمري بسبب مسلسل “المكتوب”
بعد الضجة الإعلامية التي أثيرت حول تصريحات الداعية ياسين العمري، بخصوص المسلسل الرمضاني “المكتوب”، دخل الباحث في الفكر الاسلامي محمد عبد الوهاب رفيقي المعروف بـ “أبو حفص” على الخط.
وقال ابو حفص في تدوينة نشرها على صفحته الرسمية بالفايسبوك، ” انا تنتفرج ف مسلسل “مكتوب” حيت تيعجبوني المسلسلات بغرض الترفيه والتسلية، ماشي باش ناخد منهم الدروس والعلم، وتنتفرج حيت تيعجبوني ماشي ديك اللعيبة لقدييييمة ديال تنتفرج لمعرفة الشر ولكي ننتقده”.
وأضاف أبو حفص، “الشيخة فهي جزء من ثقافتنا وفئة من فئات المجتمع، وبالتالي من حق الدراما تعطيها حقها وهو امر يحسب ليها، الشيخة بحالها بحال كل الفئات، ماشي ملاك وماشي شيطان، ماشي بالضرورة تكون شي حاجة خايبا، وماشي بالضرورة تكون مقاومة ومناضلة، هي ككل الشعب، كما تنصورو فئات أخرى من الشعب بمختلف سلوكياتها، تنصور الشيخة لي دمرات علا بنتها وقراتها وعزيز عليها صحاباتها ومنساتهمش، و ف نفس الوقت الام لي تتشجع بنتها على الزواج بواحد لمجرد انو غني”.
وعلق المتحدث نفسه، على انتقاد الداعية لمسلسل المكتوب بالقول ” شنو ممكن تسنا من شخص تيحرم حتى سماع موسيقى كلاسيكية؟ اش بغيتي يقول ف شيخة؟ انما لي تنتعجب ليه هو الناس لي عاجباهم ديك الهضرة وتيطبلو ليها وف الاخير هوما السباب ف اننا نكونو ف اول الدول متابعة للمواقع الزرقاء خلال رمضان… قمة التخاصم مع النفس الله يحضر السلامة”.
تابعوا آخر الأخبار عبر واتساب
انضم إلينا واحصل على نشراتنا الإخبارية
