ليلى البراق عن تجربة “ذا فويس”: خلاتني نشوف عدة جوانب إيجابية
بعد إعلان انسحابها من مجال الفن والغناء بسبب عدم قبولها في مرحلة “الصوت وبس” ببرنامج “ذا فويس”، خرجت الفنانة المغربية، ليلى البراق عن صمتها.
وقالت ليلى البراق في تدوينة على حسابها بالأنستغرام : “التجربة اللي فاتت واللي ما توفقتش فيها ومن بعد مدة ديال الراحة واسترجاع الأنفاس خلاتني نشوف عدة جوانب إيجابية وغادي تنفعني في حياتي”، مضيفة “مهما فعلنا فلن نسلم من كلام الناس هادشي علاش الإنسان يرفد الهم غير لعلاقته مع سيدي ربي ويحاول يصلح راسه و ما يظلمش الناس قصدا لأنه كلشي فايت وكاينين ناس عندهم ابتلاءات أكثر من أنه الإنسان يفشل في مسابقة أو امتحان”.
وتابعت “هذه التجربة زادت قواتني لأن الضربة اللي ما تقتل كتقوي، نعم وقوتي خديتها من دعمكم و حبكم اللامشروط اللي عطاني مسؤولية أكبر باش نخدم على شي عمل جديد في المستوى اللي يخليكم تزيدوا تفتخرون بي”.
وبخصوص من تخلو عنها، أكدت قائلة : “واخا هذا الميدان ملوث لكن باقي الخير والدليل على ذلك التفاعل الإيجابي اللي تلقيته من عدد كبير من الفنانين المغاربة و دعمهم لموهبتي و تشجيعاتهم لي اللي خلاوني نعيد النظر ونجدد الامل في مشواري الفني المتواضع فعلا، مقولة خوك في الحرفة عدوك لا يطبقها إلا الخبيتون والمنافقون شكرا لكم أصدقائي الفنانين والصحفيين وجميع الفانز أحبكم، وقل للشامتين صبرا فان نوائب الدنيا تدور”.
تابعوا آخر الأخبار عبر واتساب
انضم إلينا واحصل على نشراتنا الإخبارية
