رضوى الشربيني تنهار بالبكاء في أول ظهور لها بعد وفاة والدتها -فيديو
انهارت الإعلامية المصرية رضوى الشربيني بالبكاء ،في أول ظهور لها بعد وفاة والدتها، وذلك خلال برنامجها “هي وبس” الذي جرى بثه يوم أمس عبر قناة “cbc sofra “.
وأطلت الشربيني بلباس أسود ومكياج خفيف جدا على متابعيها قائلة : “في آية بصدق فيها أوي وهي لا يكلف الله نفسا إلا وسعها.. يعني ربنا سبحانه وتعالى مش هيشيل كتف حاجة إلا لو كان قدها”.
وأضافت باكية: “كان عندي كابوس لمدة 50 يوما.. مش قادرة ومش عايزة اتكلم عن تفاصيله دلوقتي.. هتكلم عليها لما أقدر أتكلم عليها.. أولاً كان لازم نطلع عشان عندنا رسالة ولازم نكملها…وكمان لازم أطلع عشان أنا الست اللي بقالي 5 سنين قاعدة بقولكم إن مع العسر يسرا.. ومهما الواحد مر بحاجات مش كويسة لكن ربنا موجود.. والحياة امتحان وكل واحد فينا عنده امتحان شكل”.
وتابعت: “لكن أنا هي هي الست اللي كنت بقولك هتعدي.. وأنا كمان متأكدة إنها هتعدي بالوقت والصبر والدعاء والصلاة.. وأنا طالعة النهاردة رغم إني كان عندي الاختيار والإمكانية إني مطلعش وإني استنى لبعد رمضان لكن أنا صممت إني أطلع”.
وأضافت: “وعشان ربنا ديما بيقول إن مع العسر يسرا.. وجزء كبير من يسري كانت أنتوا.. كم الدعاء اللي اتدعى لأن وهي عايشة وهي ميتة لو كنت قعدت جمعت فلوس كتير أوي أو كنت بقيت ملكة الدنيا مكنش هيحصل”.
وأردفت قائلة: “والناس الكتير اللي وقفت جنبي أهلي وأصحابي وأشخاص ربنا سخرهم عشان يكونوا جزءا من اليسر.. إحنا بشر كل واحد بتحصلوا حاجات لازم يصبر عليها حتى لو العقل مش مستوعبها أو القلب مش مستحملها.. لكن ربنا قال وبشر الصابرين عشان كلنا لازم نصبر”.
وختمت حديثها قائلة : “أنتوا وحشتوني جدا.. ومتشكرة ليكم جدا.. عشان أنا حسيت إني اللي عملته في 5 سنين ماراحش.. وبشكركم جدا على دعواتكم لي ولأمي الله يرحمها”.
ويشار أن والدة الإعلامية المصرية رضوى الشربيني، كانت قد فارقت الحياة الشهر الماضي، جراء مضاعفات إصابتها بفيروس كورونا.
تابعوا آخر الأخبار عبر واتساب
انضم إلينا واحصل على نشراتنا الإخبارية
