تامر حسني يوجه رسالة تحفيزية لمتابعيه ويسرد قصة محاربته خلال بداياته-صورة
وجه الفنان المصري، تامر حسني، رسالة تحفيزية لمتابعي حسابه الرسمي على موقع تبادل الصور والفيديوهات أنستغرام، وذلك من خلال تقاسم تجربته الشخصية ومحاربته خلال بداياته من قبل صحفي، صديق لفنان منافس، وذلك دون ذكر اسمهما.
وحرص تامر حسني على تقاسم مقطع مصور، ضم مقاطعا لأغنيات حملت توقيعه على مستوى الكلمات والألحان، علق عليها قائلا “زمان وأنا ببدأ حياتي مكنتش ناوي إني أصمم أكتب أغانيا و ألحنها عملت أول لحن في حياتي لأغنيه إسمها راحت حبيبتي في ألبوم تامر و شيرين و إنتوا عارفين الألبوم ده إزاي نجح و كل أغانيه نجحت و كانت الأغنيه كلمات الشاعر الكبير بهاء الدين محمد طلع صحفي ينتقدني و كتب هو أنت لحقت تنجح عشان تلحن … فسألت نفسي هو كتب كده ليه مع إن الأغنيه من أنجح أغاني الألبوم و أكتر اغنيه ساعتها أثرت في الشباب، فسألت هو مين الصحفي ده طلع صاحب مطرب معين فعرفت إنه يمكن يكون غيران شويه وخلاص ..”.
وتابع قائلا: “بعد شويه نزلت أغنية عيونه دار وكسبت مسابقه كبيره جداً في مصر ساعتها على نجوم اف إم وأخدت لقب أغنية القرن فطلع نفس الصحفي كتب إنت مصمم تلحن ليه تخيلوا أغنيه حاصله على لقب أغنية القرن وبتتحارب !!! من هنا خدني الحماس أدور جوه نفسي وأركز جامد إني أغيظه ومش بس ألحن لاء أنا هلحن وهكتب أغانيا، وفعلاً من قلبي بشكر الصحفي والمطرب اللي خلاه يكتب كده لآن لولاهم مكنتش عملت الأغاني اللي هذكرها دي ومكنتش هبقى في مكانتي دي وياريت تركزوا إنهم كلهم كلامي ولحني عشان في ناس كتير متعرفش نور عيني .. كل مره .. لما بتكون بعيد .. أنا مش عارف اتغير .. يا بنت الايه .. قسمه و نصيب .. هي دي .. أنا ولا عارف .. يا تاعبني .. ضحكتها مبتهزرش .. ماتوصينيش .. إرجعلي .. ميحرمنيش منك .. الله يباركلي فيك .. صوتِك .. بغير عليها .. اسكتي .. حرقة دم .. زي الايام دي .. تليفوني رن .. سي السيد .. 100 وش .. هدلعني…”.
وأضاف تامر “طبعاً لسه في أغاني كتير بس دول اللي حضروا في ذهني دلوقتي ولما لحنت وألفت لغيري كانوا أغنيتين
قوم اقف وانت بتكلمني لبهاء وبص بقى لشيرين ، كل دول كلماتي وألحاني تخيلوا بقى قد إيه الصحفي ده والمطرب اللي زقه عليا فادوني في مستقبلي قد إيه كلمه جارحه المقصود منها تحطيمي بكرم ربنا أقدر أحوّلها لأحد الأسباب اللي تخليني أنجح و أكمل ٢٠ سنه من كلامي وألحاني”.
وختم الفنان المصري تدوينته قائلا: “بكتب البوست ده عشان عارف إن كتير مننا بيسمع كلام مُحبط كل يوم فا بلفت نظره إنه عنده فرصه كل يوم إنه يسمع كلمه تضايقه عشان يحولها لطاقة نجاح عظيمه تفرق في مستقبله وحياته”.
Voir cette publication sur Instagram
تابعوا آخر الأخبار عبر واتساب
انضم إلينا واحصل على نشراتنا الإخبارية
