أسامة رمزي يتقاسم معه جمهوره أزمته النفسية والجسدية
تشارك الكوميدي المغربي أسامة رمزي مع متابعيه عبر حسابه الرسمي على موقع أنستغرام، الأزمة النفسية التي يمر بها منذ أزيد من شهر ونصف، والمشاكل الصحية التي ترتبت عنها.
وكتب رمزي ، أمس الخميس، عبر حسابه :”بغيت نشارك معكم واحد القضية و سمحولي غا نخوي عليكم شوية حيت يمكن كاين اللي عايش نفس الحاجة خصوصا فهاد المرحلة و كلشي كايتجمع عليك هادي أكثر من شهر و نصف تقريبا وانا عندي مشكل فالتنفس ما كانقدرش ناخد النفس كامل و كانحس بصدري مزير عليا و مخنوق و فاش كانبغي نتنفس كانحس براسي غادي نتخنق و بالتالي قلبي كايبدا يضرب بجهد و الوسواس مرضني فصحتي فوق ما ممكن تتصورو و ديال بصح أثر عليا لا فالنعاس اللي ديال بصح ما بقيتش كانعرفو لا فالدوايات اللي كاينفخوني عاد زيد عليها الأعصاب و التوتر و المشكلة بزاف ديال الاطباء قالو ليا هادشي اللي عندك هو حالة قلق نفسي و التفكير السلبي كايوصلك لتوتر العضلات”:
وتابع :” المشكلة الكبيرة أنني واعي بزاف بهادشي ولكن هادشي مسيطر عليا فوق القياس لمجموعة من الأسباب ماشي ضروري نشاركها هنا لكن الفكرة اللي بغيت نوصل ليكم هي ما تستاهنوش بنفسيتهم كيفما ما تستاهنوش باللي نفسيتو محطمة و حاولو تلقاو اللي يرفه عليكم و اكتشفو حوايج جداد فيكم و طبيعي أنك تحس بقلق و خوف و توتر غير ما تخليهش يسيطر عليك”:
وطالب الكوميدي المغربي من جمهوره الدعاء له من أجل تجاوز هذه الأزمة قائلا: ” المرحلة اللي وصلت ليها كانطلب ربي ما يوصل ليها حتى شي واحد و عارف عندي القدرة و القوة ندوز هادشي إن شاء الله دعواتكم معايا و صافي وردوا البال لراسكم يمكن هادشي اللي خويت ينفسني شوية ولكن بغيت نشاركم هادشي غير باش نقول ليكم النفسية مهمة بزاف عاونو بعضياتكم إيلا قدرتو و عاونو راسكم حتى هو المهم شي يعاون شي ههه هذا ما كان ”
وقد تفاعل عدد من متابعي الكوميدي أسامة رمزي مع فضفضته هذه، مبدين تعاطفهم الكبير معه و مطالبينه في الوقت نفسه بالتحلي بالشجاعة ومتمنين له الشفاء العاجل.
ويذكر أنه كانت للكوميدي أسامة رمزي مشاركة في الأعمال الرمضانية الماضية، من خلال سيتكوم الكوبراتيف الى جانب عدد من النجوم من ضمنهم الفنانة سعاد حسن، عزيز الحطاب، فدوى الطالب، ابتسام العروسي، محمد الخياري وأخرون.
https://www.instagram.com/p/CBUDhNMj8-1/
