بكلمات مؤثرة..الرابور “البنج” يستحضر ذكرى والدته الراحلة -صورة

استحضر الرابور زكرياء بناجي، الشهير فنيا بلقب “البنج” ذكرى والدته الراحلة، وذلك عبر أحدث منشور له بحسابه الرسمي بموقع تبادل الصور والفيديوهات أنستغرام.

وعمد البنج على نشر صورة والدته الراحلة، أرفقها بتعليق جاء فيه “اليوم مرت 9 سنوات على فقدان إنسانة وهبتني الحياة،  وعطاتها طعم رغم جميع العراقيل والمشاكل، إنسانة منقدرش نوصف التضحيات لي دارتهم على قبلي وعلى قبل بزاف ديال الناس، والمقابل كان هو تسهيل حياتي وحياة الآخرين، إنسانة اللي على قبلها صبروا عليا بزاف ديال الناس وخا تماديت معاهم فالغلط حيت الخير ديالها كان غالب على الشر ديالي مع الآخرين”.

وتابع “إنسانة ماكانتش كاتسولني مالي ولا اش بيا ولا اش خاصني كانت كاتعرف كلشي من عيني بلام ندوي، بصح الدنيا تعطي وتاخد وكلشي كايتعوض… وأنا خسرت بيما فيه الكفاية والحمد لله،  مانعترضش على قضاء الله ولكن (فاطمة) منها وحدة فالكون،  مشات و jamais تولي”.

وتابع “9 السنوات أخوتي 9 سنوات دوزت فيها بزاف (الفقر ، الفلوس ، العز ، الخنز ، الغدر والخير اللي رجع شر…. ) كان فإمكاني نكون إنسان فاشل و نمشي مع الموجة و معلاباليش ، ولكن لا لا ثم لا حرام نضيع مجهود أعظم و أطهر و أطيب إنسانة فالعالم اللي كان هدفها فالحياة غير كلشي يكون مزيان، عرفت بزاف تاع الناس الزوينين وحتى الخايبين واللي شاط لي منهم هو تجارب ضروني و ذكريات كيفرحوني مرة مرة “.

واسترسل الرابور الشاب قائلا “كانكتب فهاد statut و ربي اللي عالم بي .حيت لحد الآن مازال كنكذب مرة مرة على راسي وكنقول ماما مسافرة و دابة ترجع شي نهار و دازت 9 سنين و مازال ما رجعاتش، الواقع هو انه دابة الدموع فعيني و بصح دموع الرجال تحرك الجبال ولكن متسواش ابتسامة من ماما، الحصول اللي باقة الأم ديالو فالحياة اتهلا فيها بزاف”.

من جهة أخرى، يحضر البنج لإصدار أحدث أعماله الغنائية التي اختار لها عنوان “سبابو انتي”، وذلك حسب ما أعلن عنه مؤخرا عبر حسابه الرسمي على موقع تبادل الصور والفيديوهات أنستغرام.

 

Voir cette publication sur Instagram

 

Une publication partagée par LB€NJ WELD FATIMA (@lbenjofficial)


بلاغ هام من بنك المغرب بمناسبة عيد الأضحى

whatsapp تابعوا آخر الأخبار عبر واتساب






انضم إلينا واحصل على نشراتنا الإخبارية




زر الذهاب إلى الأعلى