بسبب شجرة أعياد الميلاد.. كوثر البراني تقصف منتقديها -فيديو

هاجمت الفنانة كوثر براني منتقيدها بخصوص شجرة أعياد الميلاد التي زينت بها منزلها، والتي كانت قد تقاسمتها عبر خاصية الستوري مع متابعيها على حسابها الرسمي بموقع تبادل الصور والفيديوهات أنستغرام.

وعبر ذات الخاصية خرجت البراني منتقدة الفئة التي هاجمتها قائلة :”هاذيك الشجرة ديال نويل ماغاديش نحيدها  هاذي أولا، ثانيا حاجة هاديك دار ديالي من حقي نحط فيها شنو مابغيت، نحط فيها  مصحف نحط فيها شجرة  نويل مانحط فيها والو الموضوع راجع ليا، هاديك سيري الله يفعلك والله يترك لك  خليها عندك ماعندي ماندير بيها وغادي ترجع لك بالمثل”.

وتابعت :”أنا ماتربيتش فعائلة لي عندها عقد من الديانات الأخرى، لا قالك حرام شجرة ، شجرة فيها الضو حرام ؟؟؟  لا العلماء قالو ماكنسمعش العلماء أنا عندي عقل باش نفكر شنو هو الحرام وشنو الحلال؟ الحلال باين والحرام باين”.

وأضافت البراني :”أنا بنت الناظور بين الناظور ومليلية  كاين واحد 10 دقايق ولا ربع ساعة من صغر ملي كنت صغيرة وأنا كنشوف  نويل وأنا كنشوف الشجرة وكنشوف العيالات بالمايوه وأنا كنشوف الشراب محطوطين فالمراكز التجارية، هذاك شي ماكيزعزع فيا والوما أنا كنشوف شجرة نويل بنسبة لي شجرة زوينة  ملونة لا أقل ولا أكثر، ما أنا كنتعبد بالعبادات ديالهم ما أنا كنمشي للكنيسة نصلي ما أنا كندير داك شي ديالهم باش تدخلو عندي تسبوني”.

وختمت كوثر البراني رسالتها قائلة :”بغيت نربي بنتي بواحد التفكير أننا كنحتارمو جميع الديانات، ملي كيجيو نصارى عندنا المغرب وكيكون العيد وكنعطيوهم غريبة ونديوهم يلبسو اللباس التقليدي .. كنقولو واو جاو كيحمقو وملي حنا نديرو شجيرة  ديال الله، شجرة ديكور تنوضو عليا بالسبان وداك شي،  سبانكم خليوه عندكم لأن داك شي لي فيكم كافيكم ، سنة سعيدة”.


إمكانية تسليمه للمغرب.. النيابة العامة الألمانية تكشف لـ”سيت أنفو” مصير محمد بودريقة

whatsapp تابعوا آخر الأخبار عبر واتساب






انضم إلينا واحصل على نشراتنا الإخبارية




زر الذهاب إلى الأعلى