دنيا باطمة تتضامن مع منال بنشليخة وتهاجم “صحافة البوز”-فيديو

بالعربية LeSiteinfo - لوسيت أنفو كوم

 مريم صلاح

نشرت الفنانة المغربية، دنيا بطمة، اليوم الخميس، تدوينة لها عبر حسابها الشخصي عبر موقع انستغرام، تدعم من خلالها الفنانة الشابة منال بنشليخة، بعد تعرضها لهجوم من طرف بعض الصحافيين، خلال الندوة الصحفية بمهرجان موازين.

وكتبت دنيا في تدوينتها: “أنا لا أعمم بكلامي كل الصحفيين بل موجه فقط لبعض الصحفيين، لي ما كنسميهمش صحفيين، كنسميهم القلم الذي يكتب ما يحلو له وينقل الخبر حتى بدون أن يتأكد من صحته، أما الباقي راه عارف راسو يمتهن الصحافة بأخلاقه وبقلمه الذي لا ينقل لنا سوى الصدق والحقيقة”، وأضافت: “كاين لّي بغا يهضر فقط على الفن ويوصل لفانزو الجديد، وهذا من حقو ولا خاص بنادم يلحس الكاپة باش يتسمى ضريف ومؤدب، الله يعفو كيفما كتبغيو الفنان يحترمكم احترمو خصوصياته، ارفع لك القبعه منال كوني انتي فقط”.

وقالت الفنانة، دنيا بطمة، في تصريح لمجلة “غالية”، بخصوص هذا الموضوع، إنها لم تلتقي منال من قبل ولكنها معجبة بطريقة أدائها لأغانيها وبموهبتها، وأضافت: “منال عمري شفتها ولا هضرت معاها، وعمَّر بنادم شاف عيبها، أنا تقدرو تقولو عليا قبيحة ولكن منال ظريفة، وأنا هضرت على واحد الفئة ديال الصحافيين، ماشي على كلشي، نهار جات ديانا كرزون عجباتهم مني هضرت على النفخ وعمليات التجميل، وقشبات معاهم حيت شحال ما شدات الميكرو، وعجبهم التبركيك والنميمة، ولكن منال مني قالت بلي جاية تهضر على الفن ديالها وأعمالها، ماشي حياتها الشخصية ناضو ليها”.

وأضافت في ذات السياق: “تقدر تكون السيدة عندها مشكل وتتحسس من موضوع الحمل، فحال كوثر براني بقاو عليها حتى بكاوها مسكينة، علاش نهضرو فشي حاجة ما سوقناش فيها أصلا”.

وكشفت بطمة أنها من محبي أغاني منال وصرحت قائلة:”هي موهبة وستيلها زوين وأغانيها نقيِّين، أنا تايعجبوني أغانيها، كون ماطلعاتش طلعة زوينة ما يجيبوهاش لموازين، ولا لقفطان 2019 وما يوصلوش أغانيها لكوريا”.

 

Voir cette publication sur Instagram

 

فرقة كورية تغني اغنية منال بن شليخة☺️ انا لا أعمم بكلامي على كل الصحفيين بل موجه فقط لبببعض الصحفيين لي مكنسميهمش صحفيين كنسميهم القلم الذي يكتب ما يحلو له ينقل الخبر حتى بدون ان يتأكد من صحته وهاز ميكروه ويجري من درب لدرب ومن زنقه لزنقه ومن سوق لسوق اما الباقي راه عارف راسو يمتهن الصحافه بأخلاقه وبقلمه الذي لا ينقل لنا سوى الصدق والحقيقه . كيقلك ملي كطيح البقره كيكثرو جناوا وحتى لي مدارش مع منال حوار ولا باغي يهضر 🤷🏻‍♀️ بخصوص انتي مناجحاش ومواصلاش منال كوّن كانت مواصلاش ومسطعش نجمها فستيل ديالها مغاديش توصل أغنيتها عند الكوريين هادي وحده ثاني حاجا بخصوص انه كونما الصحافه كعما يطلعو الفنانين اعتذر فكون مسطعش نجم الفنان ومخدمش على راسو مكنتوش غادي تهضرو عليه اصلا ومكنتوش غادي تعطيوه وقت ، اما بخصوص الجواب فهي هضرات بالفرنسية ولا بالانجليزية كاع بالعكس اشوفها مثقفه ومؤدبه ولكن حنا دايما خاصنا نحكرو على بنادم هي حره متهضرش فحياتها الخاصه نهار بغات توري للناس زوجها وعرسها وراتهم ونهار مبغاتش تهضر فالحمل هي حرة وإذا مبغاتش دير حوار هي حره يمكن عندها شي مشكل يمكن وقت ممناسبش يمكن تمر بأوقات صعبه هي لي تقرر امتى تهضر وامتى متهضرش ولكن انا شخصيا كنعرف تحالف بعض الصحافه ملي كيبغيو يرجعو الفنان خايب واخا هو مدار والو فعلا فموازين ندوة صحفية على الفن وعلى المهرجان ماشي على شحال نقصتي فوزنك اشنو نفختي اشنو فشيتي كاين لي شحال هادي ما دار ندورة صحفية وقشب معاكم ونمم وبركك فندوة موازين فمواضيع تافهه اَي بمعنى أصح دوز بيكم الوقت حيت مكينش عندو الجديد وكاين لي بغا يهضر فقط على الفن ويوصل لفانزو الجديد وهذا من حقو ولا خاص بنادم يلحس الكابه باش يتسمى ضريف ومؤدب الله يعفو كفما كتبغيو الفنان يحترمكم احترمو خصوصياته ارفع لك القبعه منال كوني انتي فقط . بااااراكا ما طيحو بولاد بلادكم ، يااااما تقمعتو من عند ايليسا واللائحة طويلة ولكن علامة استفهام علاش ديمن كتحكرو غير على دراري لي يلاه باديين وغاديين مزيان ولا حيت هيا جاوبات بلفرونسي ولا الانجليزي جاتكم قليلة الأدب السيده قاريه ماشي دقات الباب وعطاوها ورقه مكتوب فيها ديبلوم ااااااه ولا كان خاصها تهضر باللبناني باش تكون كلاس 😏!!!؟؟؟🤷🏻‍♀️ فعلا شي مؤسف ويجب ان نحدث العقل بما يعقل #بالتوفيق_منال_بن_شليخة وإذا منال باقي موصلاتش وهي كيعرفها المغرب وعندها فانزها هذا يعني ان بزاف الفنانين معروفين غير فالمغرب تاهوما قولو عليهم مواصلينش ،فعلا بقات فيا هجوم عليها فقط لانها تتكلم في حدود ومباغاش تكلم على خصوصياتها omg 🤷🏻‍♀️

Une publication partagée par Dunia Batma 🇲🇦 🎤 (@dunia_batma) le

‎مقالات ذات صلة

Facebook Comments

إقرأ أيضا

دنيا بطمة تعلن عن موعد إصدار جديدها

دنيا بطمة تعلن عن موعد إصدار جديدها