أسامة رمزي يدخل على خط صفع شاب لفتاة على مؤخرتها بالشارع -صورة

دخل الفنان الكوميدي، أسامة رمزي، على خط الفيديو الذي أثار ،خلال الساعات الماضية، جدلا واسعا عبر مواقع التواصل الإجتماعي، والذي وثق لتعرض فتاة للتحرش بأحد الشوارع المغربية، بعدما قام أحد الشباب بتوثيق لحظة اقترابه من الشابة  ورفع فستانها وصفعها على مستوى المؤخرة.

واختار رمزي خاصية الستوري عبر حسابه الرسمي على موقع تبادل الصور والفدييوهات انستغرام ، من أجل إبداء رأيه في الواقعة، وكتب :”الصراحة قبل ما نهضرو على الحل ديال هاد الظاهرة وبزاف ديال الظواهر خاصنا نعترفو باللي فالمغرب عندنا بزاف ديال الشعارات تدعي المثالية ولكن الجوهر فاسد واخلاقيا عندنا مشكل كبير. فاش شفت هاد الفيديو ديال هاد الولد اللي صور بنت غادية وهز ليها الكسوة وضربها اول سؤال جا فراسي هو كيفاش قال فراسو راع ندو الحق يدير هاد شي أصلا”.

وتابع :”واش المبرر ديال هي لابسة هاكا كافي باش يدير هادشي؟ ماكنظنش كايجيني غريب دفاع البعض على الغلط (فنظرهم) بغلط  أكبر وحتى إيلا ماعجبكش لباس شي حد علاش غادي تعاقبو انت بأشمن حق؟ كاين مشكل كبير فالتربية وكبير بزاف تا ولاو بعض الناس عند بالهم قادرين يعطيو لراسهم الحق يعاقبوك ويدخلو فحياتك ويبدلوها”.

وأضاف :”وسط دوك المغاربة زوينين كاينين ناس كيتحرشو باللي لابسة مقزب ولا لابسة الجلابة ولابسة واسع وحاملة ومرا كبيرة… إلخ كاينين ناس كيدخلو يعايرو اللي ما جاوباتهمش بريفي وكاينين اللي كايدعيو العفة هوما نيت اللي كايجربو يدخلو للمواقع الإباحية فرمضان”.

وختم قائلا :” خاص عقوبات ديال بصح فهادشي وباركا من العاطفة حيث هادشي عندو جوج حلول التربية فالدار والعقوبة اللي ماتخليش الواحد يفكر بحال هاكا أصلا. خاص اللي تعرض لأي ممارسة كاتأديه نفسيا ولا جسديا يديكلاري ويهضر على حقو وقبل مانزلو أحكام نتعلمو نسمعو ونحللو ونفهمو علاش وقع هادشي والسلام عليكم”.

ويشار أن تعليق أسامة رمزي على الواقعة قد جرى تداوله على نطاق واسع عبر عدد من الصفحات الخاصة باخبار الفن والمشاهير، وسط إثارة الجدل من جديد حول ظاهرة التحرش وحرية اللباس.

انضم إلينا واحصل على نشراتنا الإخبارية


مقالات ذات صلة

زر الذهاب إلى الأعلى