داليا البحيري تنجو من حادث سير وتكشف عن صيف مليء بالمحن -صور
نجت الفنانة المصرية داليا البحيري من حادث سير، كما كشفت عن معاناتها مع المرض، خلال فصل الصيف، وذلك عبر منشور طويل طالبت من خلاله جمهورها بالدعاء لها من أجل الشفاء.
وحرصت البحيري على تقاسم صور من موقع الحادث عبر أحدث منشور لها بحسابها الرسمي على موقع تبادل الصور والفيديوهات “إنستغرام”، علقت عليها قائلة:”الحمد لله علي كل شئ طبعا…لاننا لازم نحمد ربنا علي كل حاجة وفي كل وقت …اللي يعرفوني كويس حيعرفوا أني من محبي شهر الصيف جدا …بحب البحر والشمس والسمار ولمة العيلة وكل حاجة في الصيف جميلة حتي فاكهته…”.
وتابعت قائلة “بس الحقيقة السنة دي كانت من أسوء الصيفيات اللي عدت عليا في الساحل…يتخللها بعض اللمحات الجميلة مع العيلة وبعض الأيام الطيبة…بس للأسف كنت مضغوطة جدا …كنت بعزل من بيت لبيت…ودي كانت حاجة مفاجأة مش مترتب لها عشان كده كنت مشدودة…مناعتي وقعت وبقالي ٣ اسابيع عيانة جدا ! جالي دور برد أو كورونا أو زي ما تحبوا تسموه… ولما ابتديت اخف شوية حسن جوزي اتعدي وتعب جدا ! أكتر مني بكتير لدرجة اننا اضطرينا نروح مستشفى! وقعدنا ٤ ساعات هناك في الديپ فريزير! تكييييييف عاااالي جدا جدا لدرجة كنا موجوعين من البرد …رجعنا من المستشفى وبعد أقل من ساعة كانت حرارتي طلعت تاني ورقدت ومن يومها وأنا مش بتحسن”.
وأردفت قائلة “ويكتمل السيزون برجوعي سايقة من الساحل وأنا تعبانة لأني كان عندي ارتباط مهم في القاهرة والكاوتش بتاع عربيتي يتفرتك ويطلع دخان ! بحمد ربنا انه كان عند دخلة البوابات وماكنتش ماشية بسرعة. ده ستر ربنا الجميل …”.
وختمت داليا تدوينتها بطلب الدعاء من جمهورها قائلة: “باختصار كان صيف مشحون جدا بس برضو حافضل أحب الصيف وأفضله…دعواتكم بقي اخف لاني استويت”.
Voir cette publication sur Instagram
تابعوا آخر الأخبار عبر واتساب
انضم إلينا واحصل على نشراتنا الإخبارية