الموت يفجع رباب أزماني زوجة فريد غنام
فجعت رباب أزماني، زوجة الفنان المغربي، فريد غنام، أمس الجمعة، بوفاة جدتها، بعد صراع طويل مع مضاعفات فيروس كورونا المستجد.
وأعربت أزماني عن حزنها الكبير بعد وفاة جدتها، ونعتها بكلمات مؤثرة، فطرت قلوب محبيها، عبر حسابها الشخصي على موقع التواصل الاجتماعي إنستغرام، جاء فيها: ” إنا لله وإنا إليه راجعون.. كنت باغية نلبسو بأربعة بنا نفس اللبسة في حفل ختانة كرم.. كنت باغية نعملو جلسة تصوير لأربعة أجيال.. كنت باغياك تشوف بنت سمر و نرجعو خمسة أجيال..”.
وأضافت: “باقي ما قلتلكشي بلي كنت كنفتخر بك ملي كنت طفلة و كنقولهم مامي باقة صغيرة و مزيونة و حنينة.. ملي كانو كيشوفوني معك، كيقولولي كتكذب علينا هادي ماماك، خصوصا ملي كيسمعوني كنعايطلك مامي، في خبارك كنت كنبغي طنجة غير حيت نتينا فيها..كنتي كتفرح بزاف ملي كنقولك عمري كليت شي ماكلة لذيذة أكثر من ديالك و في نفس الوقت كتحشم”.
وتابعت: “عييت نحاول نتفكر شي نهار عاليتي فيه صوتك عليا أو خصارتيلي خاطري.. بالعكس ديما كنجي نشكي عليك و كنلقاك أحن وحدة عليا في هاد الكون.. نتينا كنتي الركيزة بالنسبة ليلي والخير والبركة، كنتي كدافع عليا ملي كيقولو رباب ما كتعايطشي في التيليفون بزاف.. حيت عارفة بلي معزتك أكثر من ألو، و بلي هاديك هي طبيعتي.. آخر اتصال كان بيناتنا قولتيلي عتاقني الله يخليلك كرم.. وهاد الجملة نهار و ليل في ودني كذباحني.. وخا الله لي عالم عملت أكثر من جهدي.. أسبوعين ما نعست.. ما وقفت الدعاء.. ما وقفت بكا.. ما وقفت وصايا عليك.. ما نزلت التيليفون من يدي.. دقيقية بدقيقة كيعطيوني خبارك.. وحتى تصاورك لي قبالت عيني غتبقى مدى الحياة”.
واختتمت مقدمة برنامج “فولوورز” السابقة تدوينتها قائلة: “الحاجة الوحيدة لي كتصبرني و لو بنسبة قليلة على فراقك… هي أنني متأكدة أنك مرتاحة دبا برحمة الله.. كنوعدك غنعمل جهدي كامل باش نتلاقاك في الجنة. إنا لله وإنا إليه راجعون 💔”.
تابعوا آخر الأخبار عبر واتساب
انضم إلينا واحصل على نشراتنا الإخبارية
