غيثة عصفور تسلط الضوء على معاناة عمال النظافة تزامنا مع الانتخابات وتوجه رسالة للناخبين
حرصت الكوميدية غيثة عصفور على توجيه رسالة شكر لعمال النظافة وتسليط الضوء على معاناتهم، وذلك بالتزامن مع فترة الانتخابات التشريعية.
وعمدت عصفور على تقاسم مجموعة من الصور المعدلة بالذكاء الاصطناعي التي تبرز بكاء عمال النظافة وسط أكوام من الملصقات ومنشورات الأحزاب السياسية، علقت عليها قائلة “اليوم بغيت نهضر من القلب مع واحد الفئة اللي كتستاهل منا كل الاحترام والتقدير: عمال النظافة،ن اس كينوضو بكري، كيخدمو فالشتا وفالصيف، فالبرد والسخونية، باش نلقاو حنا زنقتنا ومدينتنا نقية، ومرات كنشوفو خدمتهم وما كنشوفوش تعبهم، وكننسو نقولو ليهم أبسط كلمة: شكراً”.
وأضافت “باسم كل واحد قصّر فحقكم، ولا ما قدّركمش كيف ما خاص، كنقولو ليكم: سمحو لينا، خدمتكم ماشي عيب، وماشي خدمة ناقصة، بالعكس، هي خدمة شريفة، واللي كيخدم على خبزتو بيديه راسو مرفوع”.
واستغلت غيثة عصفور نفس المنشور من أجل حث الناخبين على منح أصواتهم للأشخاص الذين يستحقونها، قائلة “وحتى ملي يجي نهار التصويت، صوتك راه ديالك، ماشي سلعة تتباع وتشرا، وما خاص حتى واحد يحسسك بلي خاصك ترد ليه الجميل بصوتك، اللي مقتانع بيه صوّت عليه، واللي ما مقتانعش بيه ما تصوّتش عليه، ما تحتاج لا شي واحد يرشيك، لا شي واحد يشريك، لا شي واحد يضغط عليك، دخل بصوتك وبكرامتك، واختار بضميرك وبقناعتك، حيت الفلوس كتدوز… ولكن الكرامة كتبقى وصوتك ماشي للبيع”.
واختمت غيثة عصفور تدوينتها قائلة “وتحية كبيرة لكل عامل وعاملة نظافة: الناس يمكن ما يعرفوش سمياتكم، ولكن خدمتكُم كيشوفها الجميع، الله يعطيكم الصحة، وراسكم يبقى ديما مرفوع”.
تابعوا آخر الأخبار عبر واتساب
انضم إلينا واحصل على نشراتنا الإخبارية
